IMPAKTU HOSI SOE LIXO ARBIRU

Hy....!!!!!
 Kolega Maklee Nain Sira iha biban ida ne'e ami hakarak fahe artigu balun konaba Efeitu husi Soe Lixo Arbiru......


INTRODUSAUN

Lixu hanesan problema global ne’ebe nasaun barak sempre hasoru iha tempu udan no bailoron, Timor Leste hanesan nasaun ne’ebe sai risku mos ba iha lixu, fatin ne’ebe sai distinasaun ba lixu barak liu maka iha Dili. Dili hanesan sidade ba nasaun Timor Leste ida ne’e desde iha okupasaun kolonialismu Indonesia nia tempu kedan to’o agora, kuase ema barak mak konsentra hamutuk iha ne’e no hodi buka servisu no halo servisu hodi bele hetan rendimentu atu sustenta ba decessidade familia nia loro-loron. Hanesan capital ba nasaun Timor Leste sempre hetan visitasaun hosi turista sira hodi bele mai hare ita nia paijasem ne’ebe furak atu dada turista sira mai. Hanesan sidade sidadaun hotu iha dever moral atu asesura nia sidade iha ambiente ne’ebe pas, estabilidade, no mos, hodi bele fo saude ne’ebe diak no hodi ema hotu bele moris iha ambiente ne’ebe hakmatek.

Ne’ebe mak sai problema iha sidade Dili maka lixu, tan deit aktus hosi individu balun ne’ebe la iha konsensia moral hodi soe lixu iha nia fatin ne’e maka sai amesa ba iha belesa sidade nian no ema la moris iha harmonia nia laran no ema la moris iha ambiente ne’ebe mos. Maske ita nia governu halo politika oin-oin hodi bele resolve problema lixu ne’e maibe ita sidadaun ida-idak maka la iha dever moral atu asesura ita nia sidade ne’e mos.

DEFINISAUN

Ecolink (1996), lixu hanesan sasan ne’ebe soe ona ou soe hosi fontes resultadu atividade ema no mos prosesu naturesa ne’ebe seidauk iha valor ekonomia.

Lixu hanesan buat ne’ebe la funsiona tan, soe hosi nia nain ka la usa ona.

Radyastuti, W. Prof. Ir. (1996), lixu hanesan rekursu naturais ne’ebe la pronto atu uza.

Basriyanta, lixu hanesan sasan ne’ebe konsiderala usa ona no soe hosi nain ou usadu tiha ona, mas sei bele usa kuandu ita halo tuir dalan ne’ebe los.

Tipu-tipu lixu

Tuir fontes hosi lixu ne’e rasik, lixu ne’e fahe ba tipu rua mak lixu organika no anorganika, iha nasaun ne’ebe halao prosesamentu no organiza diak ba lixu tuir nia dalan, tipu lixu organiza tuir tipu lixu ne’e rasik. Atu hafasil transportasaun ba fatin soe lixu nia (fatin soe lixu), lixu tuir nia klasifikasaun mak hanesan:

1.       Lixu familiar

Lixu bokon ne’e maka tipu lixu bain-bain dodok hodi hamosu is ne’e ladiak (dois). Ezemplu: ne’e mak hanesan hahan restu, modo, naan, ai tahan maran no material hotu ne’ebe mai hosi buat moris.

a.       Lixu maran maka lixu ne’ebe transforma hosi besi (logam )sira mak hanesan besi tuan, kalen at, no lixu maran laos hosi besi (nonlogam) maka ai, kertas, vidru, kramik, fatuk, no restu hosi ai.

b.       Lixu mamar ezemplu lixu ne’e maka rai rahun hosi uma laran, armajen, sigaru latu, ai latu. Lixu bo’ot sira mak hanesan lixu ne’ebe soe hosi familia bo’ot sira hanesan meja, kadeira, jeleira, tv, radio, no sasan dapur sira seluk.

2.       Lixu komersial: lixu ne’ebe mai hosi atividade komersial sira hanesan merkadu, supermerkadu, warung, jardin, fatin deskansa, benkel no kios. No mos hosi instituisaun sira hanesan edifisiu, eskola, igreja, no agensia komersial sira seluk.

3.       Lixu infraestrutura: lixu ne’e mai hosi atividade desemvolvimentu sira hanesan konstrusaun infraestrutura hanesan sementi, ai, nst.

4.       Lixu fasilidade komum: lixu ne’e mai hosi dasa dalan ninin, trotoar, jardin, kampu, fatin turistiku, no fasilidade komum seluk. Ezemplu maka ai tahan, ai sanak, kertas, plastiku no rai rahun.

Tuir Gelbert, lixu kategoria iha parte tolu mak hanesan:

1.       Lixu organika, mai hosi material organika ne’ebe iha hosi animal ne’ebe foti hosi natural ou resultadu hosi atividade agrikultura, peska, no seluk tan. Lixu ne’e fasil atu prosesa tuir prosesu organika. Lixu familiar ne’ebe bo’ot hanesan materil organika. Hanesan mos ho lixu organika, ezemplu lixu hosi dapur, modo, aifuan kulit, no ai tahan.

2.       Lixu anorganika, mai hosi rekursu natureza hanesan mina, ou resultadu prosesu hosi industria. Material sira ne’e mak hanesan botir, botir plastik, pasta plastik no kalen.

3.       Lixu ne’ebe kontaminadu ho aimoruk at: hanesan foer hosi hospital, foer fabrika nst.

DADOS LIXU NIAN IHA DILI

Funsionariu SAS 248 Fahe ba grupu 4 Dasa foer, Kareta rekoilla lixu, Lere jardin, Lixeiru tibar.

Arsenia da Cruz mos hatudu dadus katak fontes lixo marinho mai hosi fontes rua mak hanesan Terrestrial 80% lixu tuir mota no be dalan, Marinho 20% lixu roo hakail no soe lixu illegal hosi roo.

Kada loron lixu ne’ebé produs hamutuk 190 tonelada, ida ne’ebé konsege rekolla ne’e 40% deit, 60% ne’e komunidade ba soe iha uma sorin, valeta, mota laran no tasi ibun, tanba seidauk iha konsensia atu moris saudavel.

POLITIKA GOVERNU NIAN

1. Mobiliza funsionariu, estudante, F-FDTL, Polisia hodi hamos sidade Dili iha kada loron sexta.
2. Tau lixeiru iha fatin-fatin hodi ema bele soe foer tuir nia fatin no oras.
3. Monta saneamentu iha fatin jardin sira, dasa foer iha Dili laran.
4. Halo resiklajen ba lixu iha tibar.
5. Walikota iha sidade Dili.

BASE LEGAL SIRA

Dekretu lei tinan 2017: nia laran katak, komunidade komesa selu lixu liu husi sistema eletrisidade nian. Sistema ne’e lao tuir nia dalan signifika, kuandu komunidade ba sosa pulsa US$1 ka US$2 hodi uza ba fulan ida, nia selu ona 0,10 sentavus ba lixu, sistema ne’e mak kua automatikamente. Se mak halo bisnis babain fulan ida nia selu 0,25 no sira ne’ebé bisnis bo’ot bele liu, ida ne’e bele ajuda reseitas Governu nian.

KRDTL Artg 61^o

1. Ema hotu-hotu iha direitu atu moris iha ambiente ema moris nian ne’ebe mo’os nabelun diak ho natureza, no iha obrigasaun atu halo diak ba jerasaun ikus mai.

2. Estadu rekoenese katak iha necessidade atu tau matan didiak no fo valor ba ita nia rain nia riku soin.

3. Estadu tenki fo sai buat ne’ebe mak sei halo atu defende natureza maibe sei halo mos ho nia ekonomia.

KRDTL Artg 6^o (f); sidadaun hotu-hotu iha dever atu proteze meio-ambiente no konserva rekursu naturais

IMPAKTU HOSI SOE LIXO,

1. Hamosu engrafamentu iha sidade laran.
2. Hamosu inundasaun. 
3. Estraga belesa sidade nian.

Mudansa Klimatika

Ola ! Belum sira, imi hotu di'ak lae?

Espera imi hotu di'ak...☺❤

kolega sira balun iha traballu konaba Mudansa Klimatika maibe sei konfunde oinsa atu halo,...

iha kraik ne'e artigu konaba Mudansa Klimatika kompostu husi Introdusaun to iha base legal sira ne'ebe hakerek iha KRDTL no Konvensaun no protokolu ne’ebe ratifika iha Timor Leste.

Introdusaun

Mudansa Klimatika sai nuudar ameasa boot ida ba iha mundu ohin loron hodi dezafia ba ekonomia mundial, social no ambiente. Ho mudansa klimatika ne’ebe akontese dadaun ne’e fo impaktu ba iha bee menus, rai maran, hodi afeta ba iha atividade agrikultura mak hanesan produsaun agrikultura tun no akontese rai hamlaha hodi kontribui ba iha mal nutrisaun aumenta. No fo mos afeta ba iha espesie lubuk ida mak halo imigrisaun, aleinde kasu hirak ne’e akontese mos fenomena El-Nino foin lalais akontese iha 2015 no kontinua iha 2016. Tan ne’e mak importante tebes ba ita atu bele adapta no mitigasaun tuir sensibilidade no kapasidade ema nia atu bele hadia sistema agrikultura hodi bele kontribui ba aumenta produsaun hodi bele redus ba mal nutrisaun iha ita rai.

Definisaun tuir teoria

Mudansa klimatika hanesan mudansa iha elementus klima inklui mudansa iha temperature, udan been, no modelu anin. Mudansa klimatika akontese tamba konsentrasaun gas estufas iha atmosfera ne’ebe as no aumenta ba beibeik, konsentrasaun gas estufas ne’ebe as resultadu hosi atividade ema nia hanesan; industria ka fabrika transporte, sunu ailaran, jestaun ba lixu ne’ebe la diak no atividade seluk hosi seitor agrikultura nian.

El-Nino katak; fenomena mudunsa iha klima global ne’ebe kausa hosi aumento manas temperature tasi iha samudra pasifiku parte norte. El-Nino akontese kada tinan 4-7 no bele aziste durante fulan 12-15.

La-Nina katak; fenomena mudansa iha klima kausa hosi menus temperature tasi iha samudra pasifiku hosi standar normal kompara ho fatin seluk (Irwan 2006), ne’ebe afeta ba anin, kalohan nomos udan ba Australia no Sudeste Asiatiku inklui Indonesia no Timor Leste.

Impaktu sira ne’ebe iha

•                   Estragus ekositema ai-parapa.
• Hamosu inundasaun, laloran bo’ot, anin bo’ot ne’ebe halao imigrasaun ikan no fo impaktu ba menus produsaun.
•                   Estragus infraestrutura pescas.
•                   Fo impaktu ba peskador sira.
•                   Populasaun ikan komesa menus.
•                   Hamosu gas karbonodiosida (CO2) no suar ne’ebe mak halo mundu sai manas liu tan
•       Ho temperatura manas ne’ebe mak aumenta ba bei-beik sei provoka zelu naben no halo nivel tasi ben sae as liu rai maran iha parte norte no sul hodi fo ameasa no estragus ba komunidade nia hela fatin no infrastrutura basiku.
•             Hamenus kbi’it ai laran atu absorve karbondioksida (CO2) hodi prosesa sai fali oksigenio (O2).
•        Sunu rai arbiru hodi kontribui ba dezastre naturais; mota bo’ot, rai halai, rai maran, rai krekas nst.
•                   Rai ne’ebe besik iha tasi ibun sei menus ba bei-beik.
•                   Rekursu be’e rai okos sei menus.
•                   Hamenus rai bokur hodi afeta ba produsaun ai-han.
•                   Halakon/muda fatin balada fuik sira nia hela fatin no obriga rekuru biodeversidade balun hodi muda ba fatin seluk no ikus mai species balun bele lakon iha Timor Leste.

Base legal sira

•    KRDTL Artg 6^o (f); sidadaun hotu-hotu iha dever atu proteze meio-ambiente no konserva rekursu naturais    
•   KRDTL Artg 61^o

1. Ema hotu-hotu iha direitu atu moris iha ambiente ema moris nian ne’ebe mo’os nabelun diak ho natureza, no iha obrigasaun atu halo diak ba jerasaun ikus mai.

2. Estadu rekoenese katak iha necessidade atu tau matan didiak no fo valor ba ita nia rain nia riku soin.

3. Estadu tenki fo sai buat ne’ebe mak sei halo atu defende natureza maibe sei halo mos ho nia ekonomia.

•     Regulamentu UNTAET Nu.19/2000 koalia konaba areas protezidas iha Timor Leste.
•     Decreto lei Base Ambiental 26/2012 koalia konaba kbit no forsa toma valida tia ona iha rai moris hodi proteje ema moris iha ambiente ne’ebe sustentavel liu hosi programa (Tara Bandu)

Konvensaun no protokolu ne’ebe Timor Leste ratifika

1.    Konvensaun ONU ba alterasaun klimatika United Nation Framework Convention on Climate Change (UNFCCC) ne’ebe adere iha Tinan 2006, no tama iha forsa iha tinan 2007.
2.     Protokolu Kyoto fase I, iha 2008 no tama iha forsa marsu 2009.
3. . Konvensaun ONU ba Diversidade Biologika United Nation Convention on Biological Diversity (UNCBD) ne’ebe adere iha 8 janeiru 2007.
4.    Konvensaun ONU ba desertifikasaun United Nation Convention to Combat Disertification (UNCCD) ne’ebe adere iha tinan 2006.
5. . Konvensaun Vieana no ninia protokolo Montereal, konaba substancia ne’ebe maka hamihis camada do ozono, Timor Leste ratifika iha 16 Setembru 2009.